أضواء السيارة: ما هي أنواعها والمسافات لي كتضوي عليها، والأوقات فاش كنستعملوها؟
أضواء الوضع (الفيوزات):
هي ضواو في اللون الأبيض كتبين عرض
السيارة من القدام، كنستعملوها داخل المدينة المضوية بالليل، وخارج المدينة
الى بغيت نتوقف. وفي النهار الى كانت الضبابة أو الشتاء.
أضواء التقابل (الكود):
هي ضواو في اللون الأبيض كتضوي على بعد 30
متر، كتبين عرض الطريق وكنستعملوها بالليل داخل المدينة، وخارج المدينة
عند التقابل مع سيارة. وكنستعملوها بالنهار الى كان الجو سيئ (الضباب،
الشتاء، الثلج).
أضواء الطريق (الفار):
هي ضواو في اللون الأبيض كتضوي على بعد 100 متر وكنستعملوها بالليل خارج المدينة الى كانت الطريق قدامي خاوية.
السينيالات:
لونها برتقالي، 2 من الأمام و 2 من الخلف،
كنستعملهوم الى بغيت نغير الاتجاه لليسار أو لليمين أو الى بغيت نتجاوز أو
نتوقف على جانب الطريق.
الفيروج:
لونهم أحمر كيبينو عرض السيارة من الخلف.
ضواو سطوب الفران:
لونهم أحمر كيعلمو السيارة لي ورايا أني شديت الفران.
ضواو لوحة التسجيل:
لونهم أبيض، في القدام والخلف كيضويو على لوحة السيارة بالليل.
0 التعليقات:
إرسال تعليق